Ташкент шахарындағы педагогикалық училищені, Низами атындағы педагогикалық институттың тарих факультетін бітірген. Оңтүстікке белгілі ұстаз, тарихшы, шежіре танушы. Ұзақ жылдар «Социалистік Қазақстан», «Лениншіл жас», «Оңтүстік Қазақстан» газеттерінің штаттан тыс тілшісі де болған. Жас кезінен бастап, осы күнге дейін аудандық, облыстық, республикалық коптеген газет-журналдарда оның тарихы танымдық және әдеби шығармалары тұрақты жарияланып келеді.  1977 жылы Алматыда шыққан «Шұғыла» атты өлеңдер жинағына , 1996 жылы Алматыдан шыққан «Жабай тоқсаба-әулие» кітабына да көптеген еңбектері кірді. 2004 жылы «Жабай баба» жеке кітабы шықты. 2006 жылы, «Ойсыл баба–Сіргелі ұрпақтары» кітабына 11 тарихи мақаласы енді. 2011 жылы Шымкенттің «Кітап» баспасынан «Есте қалған есімдер», «Жабай бабаның киесі», «Қарқара» атта үш томдық шығармасы жарық көрді.